Komiteti Kombëtar rus Anti-Terrorizmit ka njoftuar futjen e një regjimi të posaçëm anti-terrori, i cili përfshin kufizime për popullsinë, në tre rajonet e Belgorod, Kursk dhe Bryansk, në kufi me Ukrainën.
“Regjimi i Kievit bëri një përpjekje të paprecedentë për të destabilizuar situatën në një numër rajonesh të vendit tonë. Sulmi terrorist në territorin e rajonit të Kurskut nga njësitë e Forcave të Armatosura të Ukrainës rezultoi në viktima në popullatën civile dhe në shkatërrimin e shtëpive dhe objektet e tjera civile. Për të garantuar sigurinë e qytetarëve dhe për të ndaluar kërcënimin e akteve terroriste që mund të kryheshin nga formacionet e sabotimit dhe zbulimit të armikut, kryetari i Komitetit Kombëtar të Antiterrorizmit dhe Drejtori i Shërbimit Federal të Sigurisë Ruse, Alexander Bortnikov vendosi që të kryejë operacione kundër terrorizmit në rajonet Belgorod, Bryansk dhe Kursk duke filluar nga 9 gushti 2024”, tha komiteti në një deklaratë.
Në vijim shtohet se qeveria po merr masa për të garantuar sigurinë e njerëzve, për të ruajtur rendin dhe ligjin dhe për të forcuar mbrojtjen e vendeve kundër terrorizmit.
Si pjesë e operacioneve kundër terrorizmit, qeveria mund të zhvendosë njerëzit në zona të sigurta, të kontrollojë komunikimin me telefon, të kufizojë komunikimet, të kërkojë automjete dhe të pezullojë aktivitetin e prodhimit që përfshijnë materiale të rrezikshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
