Politikanët australianë kanë dënuar protestat kundër kufizimeve të Covid-19, ndërsa rastet vijojnë të rriten.
Mijëra qytetarë marshuan në Sidnei të shtunën dukë kërkuar dhënien fund të masave të kufizimit.
57 persona të përfshirë në protestën e Sidneit janë akuzuar për nxitje, ndërsa më shumë se 500 janë gjobitur.
Të dielën, kryeministri i Uellsit të Ri Jugor (NSW) Gladys Berejiklian tha se protestuesit "duhet të ndihen të turpëruar".
"Miliona dhe miliona njerëz në të gjithë shtetin tonë po bëjnë gjënë e duhur dhe kjo gjë ma theu zemrën që këta njerëz të kishin një shpërfillje të tillë ndaj bashkëqytetarëve të tyre," u tha ajo gazetarëve.
Shteti regjistroi 141 raste të reja të dielën, rritja e dytë më e lartë ditore e vitit.
Autoritetet vendase pritet të zgjasin bllokimin aktual, i cili është vendosur të përfundojë më 30 korrik.
Rreth 13 milionë australianë janë përsëri në bllokim pasi qeveritë e shtetit rivendosën kufizimet në javët e fundit për të luftuar variantin Delta, i cili ka rritur rastet në të gjithë vendin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
