Kapllani: Ideja për një shqipe të dytë, e çmendur! Shumë gjuhë dhe dialekte, sjellin përçarje

Për gjuhëtarin Kujtim Kapllani ideja e një shqipe të dytë në Kosovë ose nga gegët, i duket “e çmendur dhe e parealizueshme”.

Nga emisioni “Arnautistan” në MCN Tv, Kapllani deklaroi se vepra e Kongresit të drejtshkrimit është madhështore.

Shumë gjuhë dhe shumë dialekte sjellin përçarje, ndasi, e ka thënë Sami Frashri i cili ishte gjeni.

Tani jemi në periudhën e plotë të qëndrueshmërisë së plotë të gjuhës shqipe.

Dialektet kanë bashkëpunuar njëri me tjetrin në çdo vend të botës.

Toskërishtja është më e përpunuar, i thith të gjithë elementët.

Nuk i thithte dot gegërishtja. Në asnjë vend të botës nuk ndodh që të ndryshonte standardi.

Gjuha letrare nuk është kundër dialekteve, ajo përthith dhe pasurohet nëpërmjet tyre. Megjithatë gegërishtja është pasuri kombëtare.