Gjendet një mumje 800-vjeçare në Peru

Arkeologët në Peru kanë zbuluar një mumje të ruajtur mirë që mund të jetë të paktën 800 vjeç.

Ishte brenda një varri nëntokësor të gjetur në periferi të kryeqytetit, Lima, i rrethuar me enë, qeramikë, pagur që përmbanin mbetje perimesh dhe vegla guri.

Mumja para-inkase ishte në një pozicion fetusi dhe e lidhur me litarë, që ndoshta ishte një rit lokal varrimi.

"Është mumia e një banori të rajonit të lartë të Andeve, është varrosur afërsisht midis 800 ose 1200 pas Krishtit. Datimi me radiokarbon do të na japë një kronologji më të saktë.

Me sa duket i përket kulturës Chaclla, një kulturë që u zhvillua në malet e Limës, në provincën e Huariochiri në periudhën e vonë të ndërmjetme", tha arkeologu Pieter Van Dalen Luna.

Peruja është shtëpia e qindra vendeve arkeologjike nga kulturat që u zhvilluan para dhe pas Perandorisë Inca, e cila dominoi pjesën jugore të Amerikës së Jugut 500 vjet më parë.