Një burrë u dënua me 15 vjet burgim nga një gjykatë në Bolonjë pasi e kishte sulmuar me acid në fytyrë ish-finalisten e “Miss Italisë”, Gessica Notaro.
Ish-i dashuri i saj, Edson Tavares, ishte dënuar vitin e kaluar, por gjykata e solli rastin prapë në gjykim, duke e ngarkuar atë edhe me akuzën për përcjellje dhe përgjim të viktimës. Që nga sulmi ndaj saj, Notaro ka folur publikisht kundër dhunës ndaj grave. Ajo tashmë është bërë një figurë e njohur televizive, duke marrë pjesë në një emision televiziv të vallëzimit, shkruan BBC.
Disa muaj pasi ishte ndarë nga i dashuri Tavares, modejla nga Rimini ishte ankuar se po përgjohej dhe po përcillej, prandaj policia ia kishte ndaluar atij që t’i afrohej modeles. Më 10 janar të vitit 2017, ajo u sulmua me acid klorhidrik dhe fytyra e saj pësoi dëmtime të mëdha. Ajo iu nënshtrua disa operacioneve të fytyrës, ndërsa nuk sheh me syrin e majtë.
Kur ajo i publikoi fotografitë e fytyrës së saj në rrjetet sociale, mori shumë vëmendje dhe e vuri në pah problemin e dhunës ndaj grave në Itali. Ajo u shfaq në televizionin publik, ku e fajësoi ish-të dashurin për atë që i kishte bërë. “Dua që ju ta shihni se çka më ka bërë ai. Kjo nuk është dashuri. Përderisa acidi ma gërryente fytyrën, unë qëndroja në gjunjë dhe e lusja Zotin që të ma marrë bukurinë por mos të ma marrë shikimin”, tha ajo.
Tavares, 30 vjeç dhe nga Kepi Verde, u dënua vitin e kaluar në dy gjyqe të veçanta në Rimini deri në 10 vjet për sulmin acid dhe tetë vjet për kërcënim.
Të dy dënimet nënkuptonte që Tavares do të shërbente në një mandat të kombinuar prej 18 vjet burg.
Sipas mediave italiane, avokati i Notaro i kishte kërkuar gjykatës të mos e ulë mandatin 18-vjeçar, por tha se klienti i tij ishte i lumtur me vendimin.
"Gessica është e kënaqur nga pikëpamja njerëzore dhe mua nga pikëpamja gjyqësore", citon Alberto Alessi për gazetën La Repubblica.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
