Kryetari i PD-së, Lulzim Basha, u ka kërkuar bankave të nivelit të dytë të mos financojnë projektet e partneritetit publik-privat. Në një letër dërguar bankave të nivelit të dytë dhe për dijeni guvernatorit të Bankës së Shqipërisë, Basha u bën thirrje atyre të rrezikojnë me financimin e PPP-ve.
Basha shprehet se paratë e gjeneruara nga prodhimi dhe trafikimi i drogës gjatë këtyre viteve të fundit, “janë përdorur për të korruptuar qeveritarë dhe punonjës publikë me qëllim pastrimin e parave të përfituara nga kultivimi dhe trafikimi i lëndëve narkotike apo/dhe korrupsioni.”
Basha shprehet se sektori bankar është më i ekspozuari nga bashkëpunimi mes qeveritarëve të korruptuar me disa kompani që po përdorin sektorin e ndërtimit për të pastruar paratë e fituara nga aktivitetet e paligjshme.
Basha thekson në letër se për Partinë Demokratike dhe Opozitën e Bashkuar, stabiliteti i sistemit bankar mbetet shumë i rëndësishëm, çka përbën arsyen e informimit të çdo banke për fatin e projekteve korruptive. “Ju kërkojmë zyrtarisht që të vlerësoni me seriozitet informacionin e përcjellë. Ne shprehim besimin e plotë që ju do të distancoheni dhe nuk do të bëheni palë në akte që provojnë mbështetjen ndaj projekteve korruptive dhe që cenojnë interesin publik”, thuhet në letër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
