Gjatë një interviste në emisionin "Të Paekspozuarit" në MCN, publicisti Fari Balliu bëri deklarata të forta mbi ndikimin e George Soros në Shqipëri dhe Europën Lindore.
Sipas tij, Sorosi ka ndikuar në shoqërinë shqiptare dhe sistemin pluralist në një mënyrë të paprecedentë, madje më shumë sesa Enver Hoxha.
Ai foli edhe për mënyrën se si Sorosi ka zgjeruar ndikimin e tij në Shqipëri përmes Fondacionit Soros, duke përzgjedhur individë me lidhje me ish-elitën komuniste, strukturat e Sigurimit të Shtetit dhe me orientime të caktuara sociale dhe kulturore.
Figurë aq e rëndësishme në shoqërinë njerëzore, saqë rivalizon me emra të tillë si Hitleri dhe Musolini. Madje, në disa aspekte, ai i tejkalon, pasi ndryshe nga Hitleri, i cili erdhi në pushtet përmes votës, ky person veproi ndryshe.
Ajo që ai i ka bërë shoqërisë shqiptare dhe sistemit pluralist është e papërfytyrueshme, aq sa edhe Enver Hoxha, nëse do të rikthehej në jetë, nuk do të kishte arritur një ndikim të tillë.
Prandaj, është e nevojshme të ndalemi dhe ta trajtojmë këtë çështje me seriozitetin që meriton.
Veprimtaria e tij publike filloi në Hollandë, ku ishte i përfshirë në biznese të ndryshme, përfshirë trafik droge dhe pastrim parash. Më pas, ai regjistroi fondacionin e tij në Hungari, duke u paraqitur si një hebre hungarez, ndonëse në atë periudhë, asgjë nuk ndodhte në Hungari pa aprovimin e rusëve.
Më tej, ai hapi një zyrë të rëndësishme në Beograd dhe më pas, në vitin 1989, e shtriu aktivitetin e tij edhe në Rusi, nën pretekstin e mbështetjes së kulturës dhe arsimit, ndërsa vendet e Europës Lindore po përgatiteshin për një hapje të re politike.
Kur erdhi në Shqipëri, ai tregoi menjëherë qëllimet e tij të vërteta. Ai kishte një ndikim të jashtëzakonshëm, jo vetëm në Shqipëri, por edhe në shumë vende të tjera, përfshirë Amerikën.
Në Shqipëri, ai solli individë të ndryshëm, përmes Fondacionit Soros, me mbështetjen e ambasadës amerikane. Një rast i njohur është ai i një personi që u paraqit si pedagog pa pasur diplomë, duke shkaktuar reagime të forta në Fakultetin e Gjuhë-Letërsisë. Ky rast shkoi deri tek presidenti i asaj kohe, Sali Berisha, dhe u trajtua si një incident serioz.
Për të përhapur ndikimin e tij, ai përdori strategji të mirëorganizuara. Një nga metodat ishte përzgjedhja e personave pranë fondacionit sipas tre kritereve kryesore:
1. Lidhje me ish-elitën e sistemit komunist dhe bllokun politik të asaj kohe.
2. Lidhje me strukturat e ish-Sigurimit të Shtetit.
3. Prirje për të mbështetur individë me orientime të caktuara sociale dhe kulturore.
Në këtë mënyrë, ai ndërtoi një rrjet të fortë ndikimi në shoqërinë shqiptare, duke vendosur njerëzit e tij në pozicione kyçe. Shoqëria shqiptare duhet ta analizojë me vëmendje këtë fenomen dhe pasojat e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
