Rajoni i kontestuar Nagorno-Karabak, një copë tokë malore dhe e pyllëzuar, është në zemër të një konflikti të armatosur prej dekadash të tëra midis dy vendeve fqinje, Armeni dhe Azerbajxhan.
Sipas ligjit ndërkombëtar, Nagorno-Karabaku njihet si pjesë e Azerbajxhanit. Por, armenët etnikë që përbëjnë shumicën dërrmuese të popullsisë e kundërshtojnë sundimin e Azerbajxhanit. Ata kanë drejtuar vendin e tyre me mbështetje nga Armenia, që kur forcat e Azerbajxhanit u dëbuan në një luftë në vitet 1990.
Të dielën, përplasje të ashpra në Nagorno-Karabak rikthyen frikën se konflikti mund të hyjë në një spirale të re, për të çuar në luftë.
Dekada tensionesh
Statusi i rajonit është diskutuar të paktën që nga viti 1918, kur Armenia dhe Azerbajxhani shpallën pavarësinë nga Perandoria Ruse.
Në fillimin e viteve 1920, sundimi Sovjetik u imponua në Kaukazin e Jugut dhe Nagarabagu kryesisht i populluar nga armenët u bë një rajon autonom brenda republikës së atëhershme sovjetike të Azerbajxhanit, ndërsa shumica e vendimeve merreshin në Moskë.
Por dekada më vonë, ndërsa Bashkimi Sovjetik filloi të shpërbëhej, u bë e qartë se Nagorno-Karabaku do të binte nën sundimin e drejtpërdrejtë të qeverisë në kryeqytetin Azerbajxhan, Baku. Armenët etnikë nuk e pranuan këtë.
Në 1988, legjislatura e Nagorno-Karabakut votoi për t'u bashkuar me republikën armene, një kërkesë e kundërshtuar fuqimisht nga të dyja, si qeveria sovjetike në Azerbajxhan dhe Moska.
Pas rënies së Bashkimit Sovjetik në 1991, separatistët armenë të mbështetur nga Jerevani, pushtuan territorin, ku jetojnë një pakicë e rëndësishme azerbajxhanase, si dhe shtatë rrethe fqinje të Azerbajxhanit.
Të paktën 30 000 njerëz u vranë dhe qindra mijëra u detyruan të largohen nga shtëpitë e tyre në luftime.
Pavarësisht një armëpushimi me ndërmjetësim ndërkombëtar, të arritur në vitin 1994, negociatat e paqes kanë ngecur dhe konflikti ngre krye shpesh lidhur me Nagorno-Karabakun dhe përgjatë kufirit Azerbajxhan-Armeni.
Në prill 2016, dhjetëra njerëz nga të dy palët u vranë në luftimet më serioze në Nagorno-Karabak në vite.
Përleshjet e fundit të dielën gjithashtu lanë të dy palët me viktima, duke përfshirë civilë.
Ata ndjekin një shpërthim përgjatë kufirit Azerbajxhan-Armeni në korrik, i cili vrau të paktën 17 ushtarë nga të dy palët.
Konflikti për një kohë të gjatë ka shqetësuar komunitetin ndërkombëtar, pjesërisht për shkak të kërcënimit të tij për stabilitetin në një rajon që shërben si korridor për tubacionet që marrin naftë dhe gaz në tregjet botërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
