Pula: Banesat me qira ditore do të shtojnë dhe kriminalitetin, cenohet siguria pasi nuk ka asnjë të dhënë të personave që i frekuentojnë

Gazetari Besmir Pula tha në studion e MCN Informacion se siguria në banesat me qira ditore cenohet pasi nuk ka regjistrime dhe të dhëna të personave që i frekuentojnë. Sipas Pulës, banesat me qira ditore të cilat përdoren për prostitucion, konsumimin e drogave apo bërjen e një jetë të shfrenua shton kriminalitetin.

Siguria në banesat me qira ditore cenohet në momentin kur nuk ka regjistrime, ose të dhëna bazike të personave që i frekuentojnë.

Duke qenë në një treg kaq ilegal banesat të tilla që jepen me qira ditore do të shtojnë dhe kriminalitetin. Kriminaliteti i të huajve, një nga këto është dhe pjesa që nuk janë si hotelet që kanë disa rregulla pak më ndryshe, në regjistrimin ose mbajtjes së të dhënave. Shtimi i turizmit, ka shtuar dhe kriminalitetin duke nisur dhe nga një sërë veprash të tjera.

Ne kemi bërë disa kronika sa i përket marrjes me qira të këtyre banesave që shfrytëzohen për pjesën e prostitucionit, dhe jo vetëm, janë zonat brenda Unazës së vogël si Rruga e Durrësit, Rruga e Kavajës, zona pranë bllokut të ambasadave. Pjesa më e madhe a atyre që kërkojnë një banesë me qira e kërkojnë në zona afër qendrës.