8 deri në 9 gram. Kjo është sasia e kripës që konsumojmë mesatarisht çdo ditë. Konsum shumë i lartë, pasi Organizata Botërore e Shëndetësisë këshillon që të mos kaloni 5 gram kripë në ditë. Institucioni vlerëson se respektimi i këtyre rekomandimeve do të parandalonte jo më pak se 2.5 milionë vdekje çdo vit. Konsumimi i tepërt i kripës rrit rrezikun e presionit të lartë të gjakut, sëmundjeve të zemrës ose goditjes në tru.
Kripa e tepërt, çfarë pasojash ka në trup?
Gjithçka fillon me veshkat. Kur ka shumë kripë në gjak, veshkat e ndiejnë këtë tepricë dhe përpiqen të eliminojnë sa më shumë kripë që të munden, por sapo kjo kapacitet eliminues ngopet, kripa e tepërt dërgon sinjale në tru.
Një fenomen që stimulon ndjenjën e etjes që na shtyn të konsumojmë më shumë ujë dhe çon në ujë të tepërt në trup.
Rezultatet ? Ky ujë i tepërt në trupin tonë do të shkaktojë një rritje të presionit në enët e gjakut. Një rritje që do të ushtrojë presion mbi veshkat, zemrën dhe trurin, i cili është përgjegjës për komplikimet që lidhen me hipertensionin arterial.
Por kjo nuk është e gjitha, konsumimi i tepërt i kripës ka pasoja edhe në imunitet, siç tregohet nga një studim i ri i botuar në revistën Science Translation Medicine. Kështu, rezultatet e tij sugjerojnë se kripa e tepoërt dobëson mbrojtjen natyrore. Një arsye tjetër për të reduktuar konsumin!
Si të kufizoni marrjen e kripës?
Për të shmangur problemet e zemrës që lidhen me mbikonsumimin e kripës, është thelbësore të lexoni me kujdes etiketat e ushqimeve, në mënyrë që të gjurmoni kripën që ato përmbajnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
