2020 ka qënë një vit jo fort i mirë për median, me një numër rekord gazetarësh të burgosur në të gjithë botën.
Raporti i hartuar çdo 12 muaj nga Komiteti për Mbrojtjen e Gazetarëve (CPJ) zbulon se 274 gazetarë përfunduan në burg për shkak të detyrës, përfshirë këtu 34 gazetarë të cilët u arrestuan për lajme të rreme.
Por kjo shifër nuk përfshin ata që janë arrestuar dhe liruar.
Për të dytin vit radhazi, rekordin e mban Kina, me 47 gazetarë pas hekurave, e ndjekur nga Turqia me 37.
Egjipti ka regjistruar 27 gazetarë të burgosur, dhe 24 në Arabinë Saudite.
15 janë në burg në Iran, ku Ruhollah Zam u ekzekutua në 12 Dhjetor pasi u përball me 17 akuza përfshirë spiunimin dhe përhapjen e lajmeve të rreme jashtë vendit.
Në raport shkruhet se burgosja e anëtarëve të medias këtë vit ka pësuar rritje.
Sekretari i përgjithshëm i OKB Antonio Guterres është shprehur i tronditir nga rezultatet e raportit.
Në një deklaratë, udhëheqësi i Selisë së OKB u bëri thirrje qeverive që të lirojnë menjëherë gazetarët e ndaluar vetëm për ushtrimin e profesionit të tyre, duke përsëritur deklaratat e tij të mëparshme për përpjekje të përbashkëta të cilat kundërshtojnë pandëshkueshmërinë e përhapur për krime të tilla.
"Në jetën tonë të përditshme ,gazetarët dhe operatorët e medias janë thelbësorë për të na ndihmuar të marrim vendime të informuara. Ndërsa bota lufton pandeminë Covid-19, këto vendime janë edhe më të rëndësishme dhe mund të bëjnë ndryshimin midis jetës dhe vdekjes ".ka deklaruar ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
