Nën masa të rrepta sigurie, ish-presidenti i Kroacisë viziton Veriun e Mitrovicës

Ish-presidenti i Kroacisë, Stipe Mesiç, ka vizituar sot paradite Veriun e Mitrovicës, nën masa të rrepta sigurie.

KosovaPress raporton se eskorta e tij ka ndaluar për një moment në qendër të qytetit.

I pyetur nga KosovaPress nëse po ndihej i sigurt për shkak të prezencës së shtuar të forcave policore, Mesiç tha se “edhe sikur të isha vetëm do të ndjehesha njëjtë shumë i sigurt”.

Po ashtu ai u shpreh se Jugu dhe Veriu janë një dhe se ndihet shumë mirë në Kosovë.