Kush do të zinte vendin e Vladimir Putin nëse ai do të vdiste? Javët e fundit është përfolur shpesh lidhur me shëndetin e Presidentit rus, kjo edhe për shkak se vazhdimisht po përflitet se ai së shpejti do t’i nënshtrohet një operacioni për shkak të një tumori, mirëpo Kremlini e ka mohuar diçka të tillë.
Nga ana tjetër, ka nga ata që pohojnë se Putin vuan nga Parkinson, pasi në videot në të cilat ai shfaqet së fundmi, janë konstatuar lëvizje jonormale të trupit.
Spekulime apo hipoteza konkrete, kjo nuk dihet ende... Por sigurisht, nëse sëmuret, apo edhe vdes, dikush do ta zërë vendin e tij.
Putin është aktualisht 69 vjeç, ka qenë në pushtet për dy dekada dhe vitin e kaluar nënshkroi një ligj i cili e lejon atë të kandidojë për dy mandate të tjera gjashtëvjeçare në vitin 2024 dhe 2030.
Shefi i Kremlinit ka ndryshuar ligjet e vendit në mënyrë që të mund të jetë në pushtet të paktën deri në vitin 2036.
Sipas Dr. Sarah Whitmore, një eksperte e politikës së brendshme ruse në Universitetin e Oxford Brookes, në The Mirror, nëse Putini do të vdiste papritmas në detyrë, Kryeministri Mikhail Mishustin, do të merrte automatikisht pushtetin.
Sidoqoftë, në çdo rast, brenda tre muajve do të duhet të organizoheshin zgjedhje për të vendosur për pasardhësin.
Mikhail Mishustin është një ekonomist i specializuar në çështjet e taksave. Karriera e tij politike filloi në vitin 1999, kur u emërua zëvendësministër kur Putin ishte Kryeministër.
Më pas ai kaloi në drejtimin e Shërbimit Federal të Kadastrës (2004-2006) dhe atë të Zonave të Veçanta Ekonomike (2006-2008). Më vonë, pas një periudhe si president i fondit institucional Ufg Invest Group, ai arriti në krye të autoriteteve tatimore ruse.
Me shërbimin që është reformuar dhe dixhitalizuar prej tij: një ndryshim që ka lejuar një efikasitet më të madh me reduktimin relativ të ekonomisë së nëndheshme, sot Mishustin gëzon një mbështetje të mirë midis rusëve. Sipas të dhënave nga Qendra Levada, vlerësimi i miratimit të kryeministrit është i qëndrueshëm mbi 50 për qind, 10 pikë më i ulët se Putini. Jo keq si një zëvendës i mundshëm.
Një emër i mundshëm që është spekuluar është ministri besnik i Mbrojtjes i Putinit, Sergei Shoigu. Ai ka qenë një figurë e profilit të lartë vitet e fundit, veçanërisht pas ndërhyrjes ushtarake në Ukrainë.
Ka shumë të ngjarë që regjimi rreth Putinit të zgjedhë një pasardhës të besueshëm që i përshtatet interesave të tij. Dikush që e njohim si Shoigu është shpallur si një pasardhës i mundshëm dhe është parë si një fytyrë popullore dhe e pranueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
