SHBA, 64-vjeçarja del nga burgu 43 vjet pasi u dënua padrejtësisht

<p>Bëri 43 vjet burg për një vrasje që nuk e kishte kryer kurrë dhe më në fund është liruar nga qelia, pasi u shpall e pafajshme.</p> <p>Bëhet fjalë për Sandra Hemme, e cila ka dalë nga burgu në SHBA pas më shumë se katër dekadash dënimi të padrejtë.</p> <p>Ajo &nbsp;ishte 20 vjeç kur u shpall fajtore për vrasjen me thikë të një punonjëseje librarie në Missouri, në nëntor 1980 dhe u dënua me burgim të përjetshëm.</p> <p>Por një rivlerësim i dosjes së saj së fundmi doli në përfundimin se nuk kishte pasur prova që e lidhnin atë me krimin, përveç rrëfimit që kishte dhënë nën efektin e qetësuesve të shumtë në një spital psikiatrik.</p> <p>Sot 64 vjeçe, ajo besohet të jetë gruaja që ka vuajtur dënimin më të gjatë të padrejtë në historinë e SHBA.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Ndërkohë që nuk është më në burg, çështja ndaj saj është ende në rishikim. Vendimi i parë prej 118 faqesh për rrëzimin e dënimit me burgim të përjetshëm u dha më 14 qershor. Gjyqtari Ryan Horsman tha se avokatët e 64-vjeçares kishin prova të qarta për pafajësinë e saj, përfshirë prova që nuk ishin vënë në dispozicion në mbrojtjes së saj në kohën kur u dënua.</p> <p>Nga rishikimi i dosjes rezultoi se policia lokale kishte injoruar provat që të çonin drejtpërdrejt tek një prej oficerëve, Michael Holman, i cili përfundoi më vonë në burg për një tjetër krim dhe vdiq në 2015-n.</p> <p>Furgoni i Holman ishte parë në zonë ditën e vrasjes, alibia e tij nuk mund të konfirmohej dhe ai kishte përdorur kartën e kreditit të Patricia Jeschke pasi pretendoi se e kishte gjetur në plehra.</p> <p>Po ashtu, në shtëpinë e Holman u gjetën një palë vëthë floriri, të cilat u identifikuan nga babai i Jeschke, si të sajat. Asnjë prej këtyre provave nuk iu bënë të ditura në atë kohë palës mbrojtëse të Hemme. Ajo u mor në pyetje disa herë nga policia, ndërkohë që ishte nën efektin e ilaçeve antipsikotike dhe të një qetësuesi të fortë, pasi u shtrua pa dëshirën e saj në spital psikiatrik. Hemme kishte marrë herë pas here trajtim psikiatrik që kur ishte 12 vjeç.</p>