Ditën e sotme në lagjen numër 13, në zonën e njohur si Plazhi u shemb një pallat, i cili kishte pësuar dëme nga tërmeti i 26 nëntorit 2019, bazuar në akt ekspertizën e Institutit të Ndërtimit.
Shpërthimi i kontrolluar i ndërtesës 6 katëshe u realizua në orën 14.00. Godina, e cila ndodhej në zonën e plazhit në Durrës, ishte rrethuar më herët me shiritët e sigurisë, ndërsa ishin vendosur rreth 4 kg eksploziv.
Po kështu, ishin vendosur një sasi e konsiderueshme thasësh me rërë, për të frenuar forcën e shpërthimit dhe dëmtimin e godinave rreth e qark saj.
Banorët e zonës ishin larguar më herët nga banesat, ndërsa re tymi kanë qenë të pranishme pas shpërthimit për minuta të tëra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
