Gazetari Alban Xhihani, tha se nuk e kupton pse skuadrat shqiptare e ulin stekën, e cila u ngrit nga Skënderbeu, disa sezone më parë, me sukseset e arritura në Europë.
Xhihani deklaroi në emisionin “Skaner” në MCN TV, se Skënderbeu me sukseset e arritura, bëri që të rritet edhe niveli i skuadrave të tjera në kampionat, të cilat e rivalizonin.
Sipas tij, tani skuadrat shqiptare fitojnë në letër dhe fërkojnë duart kur shikojnë shortin, por fusha tregon gjë tjetër.
Më bën përshtypje, pse e ulim stekën?! Ishte një stekë e ngritur nga Skënderbeu, disa sezone më parë, ku klubet e futbollit u ngritën në nivele të mira dhe të larta. U rrit goxha niveli dhe ishim goxha kompetitivë. Pse nuk arrijmë të ngrihemi dot hap pas hapi. Skënderbeu ndikoi deri diku që të rritej edhe niveli i rivalëve në kampionatin shqiptar.
Mendoj se ka të bëjë edhe pjesa e nënvlerësimit që ne shpesh kemi për kundërshtarët. Ne fitojmë në letër direkt, sa na bie shorti fërkojmë duart. Pastaj kur përballemi, në fushën e lojës na del një tjetër gjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
