Presidenti i Kosovës, Hashim Thaçi do të nisë të hënën (3 tetor) një vizitë zyrtare dyditore në Shqipëri. Sipas njoftimit për shtyp, gjatë qëndrimit të tij në Shqipëri, më 3 dhe 4 tetor, Thaçi do të takohet me krerët e shtetit.
“Të hënën (3 tetor), në orën 09:00, presidenti Thaçi do të pritet me ceremoni shtetërore nga Presidenti Bujar Nishani. Ndërsa në orën 10:30, dy presidentët do të mbajnë edhe një konferencë të përbashkët për shtyp”, thuhet në njoftim.
Pas takimit me presidentin Nishani, Thaçi do të pritet nga Kryeministri Edi Rama dhe kryetari i Kuvendit, Ilir Meta. Pas takimeve me krerët e shtetit, presidenti Thaçi do të vizitojë familjen e shkrimtarit, Dritëro Agolli.
Ndërsa, në orën 16:30, presidenti Thaçi do të takohet edhe me liderin e Partisë Demokratike të Shqipërisë, Lulzim Basha.
Në 4 tetor, në orën 09:00, presidenti Thaçi do të vendos kurora lulesh në monumentin “Nëna Shqipëri”. Ndërsa, në orën 09:30, në Bashkinë e Tiranës do të takohet me kryebashkiakun Erion Veliaj.
Pas këtij takimi, para se të niset për në Bashkinë e Shkodrës, presidenti Thaçi do të vendos gjithashtu kurora lulesh edhe te shtatorja e Adem Jasharit në Tiranë.
Ndërsa, në mesditë, rreth orës 13:00, në Bushat të Shkodrës, presidenti Thaçi do të vizitojë futbollistët e kombëtares së Kosovës, të cilët po i bëjnë përgatitjet e fundit për ndeshjen me Kroacinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
