Këto janë pamjet kur anija shqiptare Oriku ka shpëtuar 100 sirianë në det. Ministrja e Mbrojtjes, Olta Xhaçka ka shpërndarë pamjet në faqen e saj në Facebook, ku thotë se 100 shtetas sirianë mes të cilëve 39 fëmijë janë shpëtuar të hënën dhe të martën në 2 operacione të ndryshme nga anija shqiptare #Oriku në detin Egje.
Sipas ministres, kanë mbi 800 jetë njerëzore të shpëtuara nga anija jonë që nga nisja e misionit 1 vit më parë. Xhaçka shkruan se pjesëmarrja e Forcës Detare në operacionin e NATO-s në Egje do të zgjatet edhe 1 vit tjetër.
Oriku do të zëvendësohet nga anija #Butrinti, e cila po pajiset me sistem armatimi modern. Ajo ka inspektuar marinarët shqiptarë në terren, me të cilët ka ndarë arritjet e deritanishme të forcës detare të Republikës së Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
