Agjencia e Mbikëqyrjes Policore në rajonin Durrës–Kavajë ka arrestuar në flagrancë punonjësin e policisë E. B., me detyrë trupë shërbimi në Komisariatin e Policisë Krujë.
Ai dyshohet për veprën penale “Shkelja e rregullave të qarkullimit rrugor”, e parashikuar nga neni 290 i Kodit Penal.
Arrestimi u krye pasi rreth orës 05:45 të mëngjesit, duke drejtuar mjetin e tij në aksin rrugor Nikël–Larushkë, E. B. u përfshi në një aksident, ku për pasojë humbi jetën në vendngjarje shtetasja N. Ç.
Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
