Ideja e presidentit Hashim Thaçi për “korrigjim” të kufijve është në kundërshtim me Nenin 1 të Kushtetutës së Kosovës, i cili thotë se Republika e Kosovës nuk ka pretendime territoriale ndaj shteteve të tjera.
Në Zyrën e Presidentit thonë se është e qartë se, nëse arrihet marrëveshje që Lugina e Preshevës t’i bashkohet Kosovës, atëherë duhet të ndryshohet Kushtetuta. Kështu shkruan gazeta "Zëri" në Kosovë, duke iu referuar deklaratës së këshilltarit të presidentit, Bekim Çollaku.
Ka qenë ky i fundit, i cili ka thënë për gazetën “Zëri’ se është e qartë se ndryshimi i kufijve është në kundërshtim me Kushtetutën e vendit dhe se, nëse arrihet marrëveshja që Lugina e Preshevës t’i bashkohet Kosovës, atëherë duhet të ndryshohet Kushtetuta.
Por ndërkohë që presidenti Hashim Thaçi hodhi në publik idenë e bashkimit të këtyre trojeve me Kosovën, duke mohuar çdo shkëmbim territoral me Serbinë, ministri i Jashtëm njëherësh dhe zëvendëskryeministër Behgjet Pacolli në një intervistë për televizionin publik RTK mohon faktin që presidenti Thaçi të ketë një plan për ndryshim të kufijve.
Propozimi i Thaçit erdhi krejt papritur para takimit negociues me homologun e tij, Vuçiç, në shtator në Bruksel.
Ndërkohë që e vetmja përgjigje ishte ajo e shefit të diplomacisë serbe, Ivica Daçiç, i cili një ditë më parë nuk përjashtoi mundësinë e një kompromisi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
