Në ditët e fundit, shifrat e infektimeve pësuan një rritje të madhe për shkak të qarkullimit të variantit të ri Omicron.
Ministria e Shëndetësisë në Shqipëri ka raportuar se në 24 orët e fundit janë regjistruar gjashtë humbje jete nga Covid-19: tre qytetarë nga Tirana të moshave 63-91 vjeç, një qytetare nga Durrësi 74 vjeçe, një qytetar nga Saranda 74 vjeç, një qytetar nga Kruja 85 vjeç.
Ndërkaq shifra e infektimeve të reja nga Covid-19 ka qenë në 1 mijë e 549.
Gjithsej, sipas shifrave të ministrisë janë kryer 5 mijë e 662 testime.
Aktualisht, në spitalet COVID po marrin trajtim 127 pacientë, nga të cilët nëntë janë në gjendje më të rënduar.
Nga ana tjetër, janë shëruar 1 mijë e 794 qytetarë gjatë 24 orëve të fundit.
Ndërsa, pacientë aktivë në të gjithë Shqipërinë janë 23 mijë e 168.
Ministria e Shëndetësisë dhe Mbrojtjes Sociale u ka bёrё apel qytetarëve për t’u vaksinuar, me qendrat shëndetësore dhe pikat e vaksinimit që po ofrojnë shërbimin kudo në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
