Presidenti Donald Trump i bëri thirrje Kongresit të martën që t'i japë atij 5.7 miliardë dollarë këtë vit për të përfunduar murin në kufirin me Meksikën, por nuk pranoi të shpallte një emergjencë kombëtare që do t'i jepte atij fuqin për të financuar projektin me buxhetin e Pentagonit.
Në fjalimin e tij 8 minutësh drejtuar amerikanëve, shefi i Shtëpisë së Bardhë Donald Tramp fajësoi demokratët për situatën e krijuar prej javësh në vend.
“Ka një krizë humanitare në kufi, një krizë të zemrës dhe të shpirtit. Kjo është një zgjedhje mes të drejtës dhe padrejtësisë. Kjo ka të bëjë me detyrimin e shenjtë që kemi ndaj qytetarëve tanë”, u shpreh Presidenti i SHBA.
Ai theksoi se ndërtimi i murit në kufi me Meksikën është i domosdoshëm për sigurinë në vend.
"Në kufi me Meksikën ka një krizë humanitare dhe sigurie, dhe emigracioni i paligjshëm e i pakontrolluar dëmton amerikanët. Për këtë arsye ndërtimi i murit është i domosdoshëm", iu drejtua amerikanëve Trump për t’iu shpjeguar arsyen e mbylljes së qeverisë. Sipas tij situata e krijuar ka vetëm një fajtor: demokratët, pasi nuk mbështesin shpenzimet për sigurinë në kufi.
Por demokratët e akuzuan atë se po mban peng popullin amerikan.
Presidenti republikan kërkon çekun për të ndërtuar një mur prej çeliku, që do ti jepte atij edhe përmbushjen e premtimit në fushatën e tij.
Por demokratët, të cilët kohët e fundit kanë marrë kontrollin e Dhomës së Përfaqësuesve, kundërshtojnë me forcë dhënien e fondeve.
Mbyllja e vazhdueshme për një të katërtën e agjencive federale është e dyta më e gjatë në histori, duke lënë qindra mijëra punëtorë qeveritarë të papaguar.
Duke iu drejtuar kombit nga Zyra Ovale, i veshur me një kravatë të kuqe, të bardhë dhe blu, me një flamur amerikan në xhaketën e tij të kostumit, presidenti kërkoi ta bënte çështjen murit në kufi si premtimi kryesor të karrierës së tij të shkurtër politike dhe la të nënkuptonte se propozimi kishte mbështetje të gjerë publike. Fotot e nënës dhe babait të tij pas tavolinës së tij në Zyrën Ovale ka qenë tipike një projeksion i pushtetit të përdorur nga presidentët para tij për tju drejtuar kombin në kohë krize ose tragjedi.
"Profesionistët e zbatimit të ligjit kanë kërkuar 5.7bn $ për një pengesë fizike", tha ai. "Me kërkesë të demokratëve, do të jetë një barrierë çeliku dhe jo një mur betoni. Kjo pengesë është absolutisht e rëndësishme për sigurinë kufitare. Është edhe ajo që profesionistët tanë në kufi duan dhe kanë nevojë".
“Ka nga ata që thonë, se muri është immoral. Por shumë prej tyre ndërtojnë barrierë për shtëpitë e tyre, jo sepse urrejnë personat që janë jashtë, por sepse duan ata që janë brenda”, tha Trump, duke i bërë apel politikës që të veprojë.
Trump gjithashtu përmendi rastet e vrasjeve të qytetarëve amerikanë nga emigrantët pa dokumente, duke pyetur “Sa gjak amerikan duhet të derdhet ende, në mënyrë që kongresi të pranojë të financojë sigurinë në kufij?”.
Duke bërë thirrje demokratëve për të kaluar një projekt-ligj për shpenzimet, ai shtoi: "Kjo situatë mund të zgjidhet në një takim 45 minutash ... Shpresojmë se mund të ngrihemi mbi politikat partizane për të mbështetur sigurinë kombëtare".
Trump ndërkohë me të drejtë kujtoi se në të kaluarën ata e kanë mbështetur ngritjen e murit.
Në 2006-ten, Chuck Schumer, Barack Obama, Hillary Clinton dhe Joe Biden votuan në favor të një strukture 1.120 km në kufi me vendin fqinj.
Të mërkurën, ai do të kërkojë të ngurtësojë vendosmërinë e republikanëve të tjerë në Kapitol Hill përpara se të mbajë bisedime me liderë të Kongresit në Shtëpinë e Bardhë.
Mbyllja e një të katërtës se agjencive federale është e dyta më e gjatë në histori, dhe ka lënë me qindra mijëra punonjës qeveritarë të papaguar.
Por kryetarja e Dhomës Nancy Pelosi dhe udhëheqësi i pakicës në Senat Chuck Schumer kërkuan që Trump të japi fund mbylljes mbylljen.
"Fakti është se gratë dhe fëmijët në kufi nuk janë kërcënim për sigurinë, ato janë një sfidë humanitare", tha Pelosi.
Ajo e akuzoi presidentin Trump se "mbajtji pen popullit amerikan" dhe "prodhoi një krize".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
