Tetë persona janë vrarë dhe të paktën 10 janë plagosur në të shtënat e dyta masive në Serbi brenda dy ditësh.
Personi i armatosur thuhet se qëlloi me një armë automatike nga një automjet në lëvizje pranë një fshati 60 km (37 milje) në jug të Beogradit.
Pas disa orësh kërkime në zonë, autoritet serbe kanë arritur të kapin dhe vënë në prang, 21 vjeçarin, Uros.B, autor i masakrës së mbrëmshme.
Më parë këtë javë, një adoleshent vrau tetë nxënës në një shkollë në Beograd në të shtënat masive më të këqija që ka ndodhur në Serbi në vite.
Të premten në mëngjes, mediat serbe thanë se forcat speciale të policisë kishin mbërritur në fshatrat Mlladenovc dhe Dubonë, ku ndodhi masakra e fundit.
Të gjithë të lënduarit e pranuar në spital kanë lindur pas vitit 2000, ka raportuar transmetuesi serb RTS. Dy persona të moshës 21 dhe 23 vjeç janë operuar, por mbeten në gjendje kritike.
Ministrja e Shëndetësisë, Danica Grujiçiç dhe kreu i Agjencisë së Inteligjencës së Sigurisë, Aleksandar Vulin, thuhet se kanë udhëtuar në zonë në orët e para të së premtes.
Të shtënat masive janë jashtëzakonisht të rralla në Serbi, e cila ka ligje shumë të rrepta për armët, por zotërimi i armëve në vend është ndër më të lartat në Evropë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
