Disa nga komandot e Hamasit të cilët morën pjesë në sulmin ndaj civilëve izraelitë pranë Rripit të Gazës më 7 tetor ishin nën ndikimin e një droge sintetike të njohur si Captagon.
Kjo është bërë e ditur nga kanali televiziv izraelit 12. Saktësohet se gjurmët e Captagonit, janë zbuluar në mesin e të burgosurve terroristë në Izrael.
Ky medikament, i cili eliminon urinë dhe ndihmon të ndiheni vigjilent për një kohë të gjatë, “i lejonte terroristët të kryenin akte çnjerëzore të vrasjes duke qëndruar vigjilentë, pa frikë dhe indiferentë”.
Pilulat e kësaj lënde narkotike ishin ende në xhepat e anëtarëve të Hamasit, të cilët mbetën në tokë pas luftimeve. Bëhet fjalë për një drogë të prodhuar në Liban dhe Siri, e njohur edhe si “kokaina e të varfërve”, e cila në të kaluarën është përdorur nga ISIS.
Captagon është një produkt që ofron eksitim të fortë, i përbërë nga amfetaminë dhe kafeinë në doza të larta, dhe që i shtyn njerëzit të ndihen më të fortë si dhe largon frikën.
Droga u jepet luftëtarëve për t’u dhënë atyre energji për të vazhduar vrasjen dhe për të kapërcyer frikën e tyre.
Ajo nuk përdoret vetëm nga ushtarët, por përdoret për argëtim dhe nga njerëz me punë të vështira fizike në të gjithë shtetet arabe.
Shumica dërrmuese e Captagon prodhohet në Siri me një operacion më të vogël prodhimi në Liban.
Miliona pilula janë kontrabanduar nga Siria në vendet fqinje.
Çmimi i këtyre produkteve ka rënë dhe kjo u mundëson njerëzve ta gjejnë lehtësisht në internet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
