Të premten në mbrëmje, mijëra njerëz u mblodhën në kampusin e universitetit shtetëror në Novie Sad, Serbi.
Protestuesit mbanin pankarta ku shkruhej "Nuk duam bllokada, duam zgjedhje" dhe " Të thirren zgjedhjet".
Protestuesit u përleshën me policinë përpara Fakultetit të Filozofisë dhe hodhën granata, ndërsa policia përdori gaz lotsjellës dhe granata zhurmuese për të larguar turmën.
Në një fjalim vonë në mbrëmje, Vuçiç tha se 11 policë u plagosën. Nuk kishte informacion se sa protestues janë plagosur.
Ne nuk do të lejojmë shkatërrimin e institucioneve shtetërore. Serbia është një shtet i fortë dhe i përgjegjshëm.
Ai akuzoi shërbimet e huaja të sigurisë se fshihen pas protestuesve antiqeveritarë në Serbi dhe se mbështetësit e tij do të mbajnë tubime në qytete anembanë Serbisë të dielën.
Vuçiç dhe partia e tij janë tronditur prej muajsh të tërë nga protestat në të gjithë Serbinë, përfshirë bllokadat e universiteteve shtetërore, të shkaktuara nga vdekja e 16 personave nëntorin e kaluar kur u shemb çatia e një stacioni hekurudhor të rinovuar në Novi Sad.
Protestat ishin kryesisht paqësore deri më 13 gusht, kur dhjetëra oficerë policie dhe civilë u plagosën në përleshje.
Studentët, grupet e opozitës dhe organet mbikëqyrëse kundër korrupsionit kanë akuzuar Vuçiçin dhe aleatët e tij për lidhje me krimin e organizuar, përdorimin e dhunës kundër rivalëve politikë dhe shtypjen e lirive të medias - akuza që ata i mohojnë.
"Zgjidhja është të shpallen zgjedhje", tha Nebojsha Korac, një nga protestuesit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
