Shkatërrohet banda shqiptare e drogës në Angli, ndërsa në pranga janë vënë 6 persona që akuzohen për prodhim dhe shitje lëndësh narkotike.
Policia ra në gjurmët e tyre pasi fillimisht gjeti një makinë brenda së cilës kishte kanabis, kjo më pas i çoi në zbulimin e shtëpisë së barit.
Duke ndjekur mbetjet e drogës, policia ka arritur në një fermë në zonën e North Yorkshire. Atje, gjatë kontrolleve ato kanë gjetur hashash me vlerë 240 mijë paund, ndërsa brenda në makinë kishte 300 mijë funte kanabis.
Efektivët kanë arrestuar 6 shqiptarët që mendohet se janë dhe mirëmbajtësit e fermës së hashashit.
Ndërsa si pronare është një 73-vjeçare e quajtur Yoko Banks. Edhe ajo është prangosur gjithashtu.
Në pranga kanë rënë Visar Sellaj, 33 vjeç, nga Newnham Road, Londër, që njihej dhe si kreu i bandës. Ai u la në burg për gjashtë vjet e nëntë muaj.
Kujtim Brahaj, 50 vjeç, nga Wellington Road, Enfield, u la në burg për tre vjet e dy muaj; Indrit Brahaj, 27 vjeç, nga WShitings Road, Barnet u la në burg për katër vjet e katër muaj, Bledar Elezaj, 36 vjeç, u burgos për tre vjet, Erblin Elezaj, 33 vjeç, u la në burg për pesë vjet e dy muaj dhe Andi Kokaj, 23 vjeç, u la në burg për tre vjet.
Autoritetet e kanë cilësuar bandën e shqiptarëve si shumë të rrezikshme dhe finalizimin e operacionit e cilësojnë si një nga sukseset më të mëdha të tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
