Ukraina përkujtoi sot përvjetorin e tretë të kryengritjes pro-evropiane të Maidanit që, duke paguar me gjak vullnetin për afrimin me BE-në, aktivizoi ndarjen e saj me botën ruse, sipas presidentit Petro Poroshenko.
Protesta pro-evropiane mori formë në sheshin qendror të Kievit më 21 nëntor 2013 dhe përfundoi tre muaj më vonë me rrëzimin e presidentit prorus Viktor Janukoviç, pas vdekjes së qindra manifestuesve dhe 20 forcave policie në konfrontimet e dhunshme.
”Lëvizja e Maidanit i dha fund së shkuarës tonë ruso-sovjetike dhe periudhës post-sovjetike. Ai ndau botët tona ukrainase dhe evropiane me atë të botës ruse”, deklaroi Poroshenko gjatë një ceremonie në Kiev.
Ukraina akuzoi Rusinë si përgjegjëse e vrasjeve të Maidanit, gjatë shkëmbimeve të zjarrit në demonstrata që kishin si objektiv protestuesit në kushte ende të pazbardhura.
Moska hedh poshtë akuzat e ngritura kundër saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
