Piloti italian Xhorxho Riformato, i dënuar me 15 vjet burg për trafik ndërkombëtar droge pasi pilotonte avionin me drogë që u bllokua në plazhin e Divjakës, nuk do e vuajë më dënimin në Shqipëri.
Ministria e Drejtësisë ka dhënë sot pëlqimin që ai të ekstradohet drejt Italisë.
“Komisariati i Kufirit dhe Migracionit Rinas: Më datë 08.06.2017, u ekstradua shtetasi italian G.R vjeç 71 banues në Itali, pasi Ministria e Drejtësisë Shqiptare, ka miratuar transferimin për të vuajtur dënimin në Itali”.
NGJARJA
Në 10 maj, në plazhin e Divjakës, u dëmtua, teksa ulej, një avion tip “Piper” që drejtohej nga piloti italian Giorgio Riformato. Në të njëjtën zonë u sekuestruan 460 kg marijuanë dhe u arrestua korrieri Bajrami. Kjo konsiderohet si tentativa e parë e regjistruar për trafikimin e drogave nga Shqipëria me avion në drejtim të Italisë dhe vendeve të tjera të BE-së.
Për këtë ngjarje u arrestuan 7 persona, Giorgio Riformato i dënuar me 15 vite burg, Sajmir Bajrami, Mereglen Ymeraj, Kristian Demçe, Kleviol Ahmeti, Aurel Pupe dhe Orgest Bilbili.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
