Tre të rinj në qytetin e Elbasanit janë vënë në pranga nga policia pasi në automjetin e tyre u gjet një sasi e konsiderueshme lënde narkotike.
Policia e Elbasanit ka kapur në flagrancë shtetasit E. L, 26 vjeç, R. B, 19 vjeç, D. M, 24 vjeç banues të tre në Elbasan.
Gjatë kontrollit të ushtruar nga efektivat e policisë në mjetin tip “Audi A3”, i është gjetur dhe sekuestruar në cilësinë e provës materiale një sasi lënde narkotike e dyshuar “Cannabis Sativa”. Materialet i kaluan Prokurorisë së Rrethit Gjyqësor Elbasan për veprime të mëtejshme.
Njoftimi i policisë:
Specialistët e Seksionit për Hetimin e Narkotikëve, në Drejtorinë Vendore të Policisë Elbasan, bënë arrestimin në flagrancë të shtetasve:
E. L, 26 vjeç banues në Elbasan.
R. B, 19 vjeç banues në Elbasan.
D. M, 24 vjeç banues në Elbasan
Arrestimi i tyre, u bë pasi gjatë kontrollit të ushtruar nga efektivat e policisë në mjetin tip “Audi A3”, i është gjetur dhe sekuestruar në cilësinë e provës materiale një sasi lënde narkotike e dyshuar “Cannabis Sativa”. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve” parashikuar nga neni 283 i Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
