Pas disa ditësh i shtura në spital Francesk Radi ka humbur luftën me sëmundjen.
Këngëtari i njohur dhe i dashur për të gjithë Francesk Radi ka ndërruar jetë në moshën 67-vjeçare.
Për ndarjen nga jeta ka njoftuar vetë familja e tij.
Kantautori ndodhej në spitalin Nënën Tereza pasi ishte i shtruar pas një goditje të rëndë që pësoi në tru, prej të cilës nuk mundi të shpëtonte.
Për gjendjen e tij të rëndë foli edhe bashkëshortja e tij Tefta Radi
Kush është Françesk Radi
Ai ka kryer Liceun Artistik dhe më pas Akademinë e Arteve në Tiranës.
Për një periudhë të gjatë kohe ka punuar në Estradën e Shtetit me instrumentin e kitarës, por njëkohësisht dhe si kantautor. Në vitin 1992 ai ka filluar punë në Radio Tirana si solist, instrumentist, gjatë kësaj kohe ka kompozuar dhe kënduar shumë këngë në festivalet e ndryshme.
Në fillimet e tij me krijimtarinë muzikore solli për publikun këngët “Adresa” dhe “Biçikleta”, dhe që nga ai moment Françesk Radi u bë një emër i vlerësuar.
Ishin pikërisht dy këngët e tij të para të realizuara në vitet ’70, që bënë që krijimtaria e tij artistike të niste rrugëtimin drejt suksesit muzikor. Kënga “Adresa” dhe “Biçikleta” kanë qenë dhe videoklipet e para shqiptare në këngë të xhiruar në vitin 1972.
Më pas krijimtaria e tij muzikore do të shënonte sërish një tjetër kulm pas viteve ’90, duke sjellë disa krijime për publikun. Përmendim këtu këngët “Rroku i burgut”, “Humba pranverën”, “Telefonatë zemrash”, “Zemër e lodhur”, “Ky fat na ra”, “Kemi dasëm ‘o” etj, të cilat kanë mbetur në kujtesën e publikut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
