Një tjetër avion me qytetarë afganë ka mbërritur në Kosovë pasditen e sotme. I nisur nga Gjermania dhe me 131 afganë në bord, avioni i forcave amerikane u ul në aeroportin "Adem Jashari" rreth orës 17:00.
Deri më tani, Kosova ka strehuar 355 afganë, të cilët mbeten në pritje të procedurave për t’u zhvendosur drejt Shteteve të Bashkuara apo në ndonjë shtet anëtar të NATO-s.
Ministri i Punëve të Brendshme, Xhelal Sveçla, tha se qëndrimi i tyre në kosovë do të jetë çështje javësh.
“Strehimi i tyre është i përkohshëm edhe bazuar në vendimet e qeverisë. Ne kemi marrë zotimin e aleatëve tanë që strehimi i tyre të zgjatë sa më shkurt që është e mundur. Bëhet fjalë për çështje javësh, mos të them muajsh”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
