Presidenti i SHBA-së Joe Biden do të udhëtojë në Itali në turin e tij të fundit jashtë vendit përpara se të lërë mandatin.
Muajin e ardhshëm, shefi i Shtëpisë së Bardhë do të jetë në Romë dhe Vatikan për t'u takuar me Papa Françeskun dhe zyrtarë të lartë italianë.
Presidenti pranoi ftesën e Papa Françeskut për të vizituar Vatikanin gjatë një bisede të enjten. Ata do të diskutojnë për sfidat e rëndësishme me të cilat përballet bota.
Presidenti Baiden do të takohet gjithashtu me kryeministren e Italisë Giorgia Meloni dhe presidentin Sergio Mattarella.
Presidenti mbërrin në Vatikan menjëherë pasi fillon Vitin e Shenjtë, i cili hapet zyrtarisht në prag të Krishtlindjeve.
Kjo festë katolike inkurajon besimtarët të bëjnë pelegrinazhe në Romë për t'u lutur te varret e shenjtorëve Shën Pjetri dhe Shën Pali.
Sipas mediave amerikane, presidenti i fundit që udhëtoi jashtë vendit në muajin e fundit të presidencës së tij ishte Xhorxh Bushi i parë, i cili shkoi në Moskë për të nënshkruar një traktat bërthamor dhe në Paris për bisedime rreth luftës në Bosnje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
