Analisti Roland Lami u shpreh sot në emisionin “Arnautistan” në MCN TV se Turqia ka influencë në Rajon dhe po e shfaq atë të strukturuar.
Lami tha se Turqia është një vend që ne e shohim mik, por është problematik nëse do të mendojmë për një trajektore që lidhet me shumë aspekte.
“Turqia ka influencë në rajon dhe nuk e shfaq prezencën me ndonjë investim por e ka të strukturuar. Ajo ilustrohet në tregues të investimeve, të ndërtimit të kulteve, të telenovelave që shihen në mënyrë masive. Shto dhe faktin që kemi një komunitet maxhoritar të besimit mysliman. Është një vend që ne e shohim mik por është problematik nëse do të mendojmë për një trajektore që lidhet me shumë aspekte”, tha Lami.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
