Kreu i PD-së së Rithemelimit Sali Berisha mbërriti rreth orës 10:05 në ambientet e SPAK, ku u prit me brohoritje nga dhjetëra simpatizantë dhe deputetë.
Në një prononcim të shkurtër për mediat Berisha tha:
Jam këtu për të denoncuar Edi Ramën dhe grupin e organizuar kriminal në këtë ndërtesë, që angazhohet në betejë kundër pluralizmit. Beteja me botën e krimit vazhdon.
Opozita do të fitojë. Jam sot këtu për të përfaqësuar ju, përfaqësuar shqiptarët, përfaqësuar pluralizmin, Partinë Demokratike! Jam këtu për të denoncuar Edi Ramën dhe grupin e organizuar kriminal në këtë ndërtesë, që angazhohet në betejë kundër pluralizmit. Ne do fitojmë, fitore, fitore, fitore!"
Berisha shkoi drejt SPAK me automjetin e tij, ndërsa u shoqërua edhe nga dy makina të tjera të Policisë së Shtetit.
09:50 Sali Berisha niset drejt SPAK, deputetë e simpatizantë grumbullohen para Prokurorisë së Posaçme
Kreu i PD-së së Rithemelimit Sali Berisha është nisur drejt SPAK. Ai do të merret për herë të parë në pyetje në lidhje me hetimet për privatizimin e ish-kompleksit Partizani.
Dhjetëra deputetë dhe simpatizantë janë grumbulluar pranë Prokurorisë së Posaçme paraditen e sotme.
Më 30 dhjetor 2023 GJKKO caktoi ndaj Berishës masën e sigurisë “arrest shtëpie”.
Sipas vendimit të gjykatës, Berisha urdhërohet të mos largohet nga banesa e tij si dhe të mos komunikojë me persona të tjerë, përveç atyre “që bashkëjetojnë në të njëjtën banesë me të”.
Ish-kryeministri është nën hetim për veprën penale të korrupsionit së bashku me dhëndrin e tij, Jamarbër Malltezi, i cili akuzohet nga SPAK se ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
