Një prej të arrestuarve për abuzime me tenderat në Ministrinë e Drejtësisë ka qenë pjesë e një grupi auditimi për kontratën që ka të bëjë me byzylykët elektronikë. Një shkresë e vitit 2017, që mban firmën e ish-ministrit Gazmend Bardhi, konfirmon se Lysjen Ali ka qenë anëtar i jashtëm i grupit të auditimit, me detyrë përgjegjës i Sektorit të Teknologjisë së Informacionit
Lysjen Ali ishte i vetmi person i shpallur në kërkim nga grupi i zyrtarëve të akuzuar për abuzime të rënda me tenderat dhe procedurat e prokuroimit publik në Ministrinë e Drejtësisë, të kryera kryesisht përgjatë vitit 2017.
Por ndryshe nga sa thuhej se ai është akuzuar dhe më pas arrestuar ditën e hënë për shpërdorim detyre në funksionin e juristit, shkresat e disponuara nga Tema Tv, konfirmojnë se Lysjen Ali ishte pjesë e grupit të auditimit për hetimin e plotë administrativ mbi veprimet për planifikimin e prokurimit dhe lidhjen e kontratës nr 8383/10 datë 21.02.2017, që ka të bëjë me monitorimin elektronik.
Shkresa e cila mban sërish firmën e ish-ministrit të Drejtësisë Gazmend Bardhi vëren dhe përbërjen e grupit auditues, i cili duhet t’i përcillte brenda ditës informacionet rreth auditimit, që mbështetej nga Lysjen Ali si anëtar i jashtëm i grupit të auditimit me detyrë përgjegjës i sektorit të teknologjisë së Informacionit.
Grupi audimimit, ashtu sic konfirmon shkresa mbështetëse, është ngritur me urdhër të kryeministrit Edi Rama dhe aty theksohet se mospërmbushja e urdhrit përbën mospërmbushje të detyrave sic parashikon ligji për nënpunësin civil.
Lysjen Ali ishte ngarkuar me përgjegjësinë te verifikonte sasinë dhe cilësinë e mallrave dhe shërbimeve, të verifikonte procedurat e zbatimit të kontratës nga të dy palët dhe funksionalitetin e shërbimit të aplikacionit mobile për monitorimin e të burgosurve, funksionimin e sistemit SME kamerave të sigurisë së sistemit të mbrojtjes dhe sinjalizimit të rënies së zjarrit dhe kolaudimin e tyre, çka hedh dyshime për mospërmbushje të këtij urdhri.
Objekti i auditimit bazohet mbi dyshimet e ngritura më herët se veç shkeljeve të tjera proceduriale për të cilat akuzohet kryesisht ish-sekretarja e përgjithme e ministrisë së dretësisë Juliana Hoxha, nuk ishte kryer kolaudimi i pajisjeve, si për shembull byzylykët elektronikë, të cilat sikurse rezulton në shkresa nuk jepte alarm në rastet kur subjekti e heq dhe largohet.
Fakti që sistemi i tyre nuk funksionon u pranua publikisht edhe nga ministrja aktuale Etilda Gjonaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
