Gjyqtari i Gjykatës Kushtetuese, Gani Dizdari, është shkarkuar përfundimisht nga detyra.
Kolegji i Posaçëm i Apelimit ka lënë në fuqi vendimin e Komisionit të Pavarur të Kualifikimit për shkarkimin e tij.
Dizdari u shkarkua nga Komisioni i Pavarur i Kualifikimit në datë 16 korrik të vitit të kaluar.
Shkak për këtë vendim u bë vlerësimi i figurës së tij përmes procesit të vetingut, në dy komponentë të të cilit Dizdari paraqiste parregullsi (pasuria dhe kontaktet me botën e krimit).
Dizdari e apeloi vendimin e KPK-së, i cili pas shqyrtimit nga KPA-ja u la në fuqi, duke vulosur përfundimisht shkarkimin e ish-anëtarit të Kushtetueses.
Gjatë hetimeve nga KPK-së rezultoi se në deklarimin e pasurisë së gjyqtarit nuk justifikoheshin pasuritë e vajzës së tij.
Po ashtu, KPK-ja konstatoi lidhje të Dizdarit me persona me precedentë penalë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
