Zgjedhjet lokale në Kosovë, Kurti: Vota për numrin 144 i jep shans zhvillimit dhe drejtësisë

Kryeministri i Kosovës Albin Kurti iu është drejtuar qytetarëve me një video-mesazh, ndërsa ka mbetur një javë nga dita e zgjedhjeve lokale.

Me anë të një postimi në Facebook, Kurti shprehet se vota për numrin 144, është jetike për t’i dhënë mundësi zhvillimit dhe drejtësisë në komuna.

Sot një javë do të jemi tek kutia e votimit. Aty secili do të marrë vendim që ka rëndësi edhe më të madhe se 14 shkurti. Në të gjitha komunat udhëkryqi është i tillë, nga njëra anë kandidatët e Vetëvendosje me zgjidhje optimale për problemet reale dhe nga ana tjetër ata që paguajnë me milionat e vjedhura deri dje për marketing me shpresën që nesër të zhvatin përsëri.

Kosova vetëm për 6 muaj të qeverisjes po regjistron shkallën më të lartë të rritjes ekonomike në Europë, për vetëm 3 muaj doli në krye të rajonit për shkallë të vaksinimit, dhe u listua si vendi me nivelin më të ulët të krimit të organizuar në vend. Tani është me rëndësi që të mbartin të njëjtën frymë tek secila komunë