Zbardhet dosjen e prokurorisë që kërkoi sekuestrimin e 250 mijë eurove, automjeteve dhe pronave të paluajshme në emër të Kacjolin Zefit në Shkodër.
Sipas organit të akuzës, paratë që dyshohet se fitoheshin nga trafiku i drogës, pastroheshin nëpërmjet një firme konfenksionesh me qendër në qytetin e Shkodrës. Zefi po hetohet nga krimet e rënda për trafik ndërkombëtar droge.
Pas sekuestrimit me urdhër të Gjykatës së Shkodrës të disa pasurive të paluajtshme, si prona, aparatamente dhe 5 automjete luksoze me vlerë 250 mijë euro, në pronësi të Kacjolin Zefit, ABC News, zbardh dosjen e plotë nga organi i akuzës.
Sipas hetimeve, paratë fshiheshin nën emrin e Shoqërisë “Felix M shpk”, që operonte në qytetin e Shkodrës kryesisht në prodhimin e konfeksioneve. Por gjurmimi i parave që dyshohet se kanë ardhur nga aktivitete kriminale, ka nisur fill pas arrestimit të Zefit në nëntor të 2016. Ai po gjykohet nga Gjykata e Krimeve te Rënda, pasi në kamionin, në pronësi të tij u gjetën 700 kg kanabis me destinacion Italinë.
Hetimet saktësojnë se 250 mijë euro, u dërguan në drejtim të Kacjolin Zefit nga aksionerja kryesore e shoqërisë “Felix M”, një shtetase Italiane, e cila zotëron 80% të aksioneve.
Shtetasja Italiane me inicialet L.T ka deklaruar se, paratë janë transferuar prej saj në llogarinë personale te Zefit përpara se ai të prangosej. Qëllimi, sipas saj, ishte që paratë të përdoreshin për blerjen e kapanonit apo kryerjen e pagesave të ndryshme ndaj punonjësve.
Ky deklarim, sipas prokurorisë është në kundërshtim me provat e administruara, pasi rezulton se vetë kompania ka patur 3 llogari bankare të hapura në emrin e saj. Ndërsa paratë u dërguan në mënyrë të drejtpërdrejtë në llogarinë personale të Zefit. Por dyshimet vazhdojnë më tej. I arrestuari i kishte tërhequr 250 mijë euro në bankë duke deklaruar se i duheshin për “nevoja familjare”.
Por Zefi e transferoi këtë shume në një tjetër llogari bankare po në emrin e tij -pohojnë hetuesit, duke i përdorur për shpenzime të ndryshme si blerje të 5 automjeteve luksoze, mes tyre një “Ferrari” dhe një “Porshe”. Ndërkohë, këto para të dyshuara se kanë ardhur nga aktivitete kriminale, ishin investuar edhe në 3 apartamente dhe tokë e truall nga i dyshuari për trafik ndërkombëtar droge, Kacjolin Zefi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
