Truri i njeriut gumëzhin nga aktiviteti pasi një person vdes.
Studimi i botuar në Raportet Shkencore zbuloi se qelizat gliale, të cilësuara si "gjenet zombi", jo-neuronale që veprojnë në sistemin nervor qendror, dalin në veprim disa orë pasi një person ndërron jetë.
Jo vetëm që qelizat e trurit gjallërohen, por ato gjithashtu zgjerohen në madhësi.
Autori i studimit Jeffrey Loeb, i cili është në krye të neurologjisë dhe rehabilitimit në Universitetin Illinois, Kolegji i Mjekësisë së Çikagos, vuri në dukje se zbulimet e ekipit të tij mund të vijnë si një befasi për shumë njerëz, duke përfshirë studiues të tjerë në fushën e tij, shkruan RT.
"Shumica e studimeve supozojnë se gjithçka në tru ndalet kur zemra pushon së rrahuri, por nuk është kështu", tha Loeb. “Zbulimet tona do të jenë të nevojshme për të interpretuar kërkimet mbi indet e trurit të njeriut. Thjesht nuk i kemi përcaktuar këto ndryshime deri më tani”, shton ai.
Ai theksoi se aktiviteti pas vdekjes nuk ishte "shumë i habitshëm" pasi qelizat glial janë inflamatore dhe "detyra e tyre është të pastrojnë gjërat pas dëmtimeve të trurit si privimi i oksigjenit ose goditja në tru".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
