Pritet të mbahen nesër zgjedhjet lokale në Kosovë, ndërkohë që sot vendi është në heshtje zgjedhore. Në një lidhje me skype për MCN TV zëdhënësi i KQZ-së në Kosovë Valmir Elezi tha se situata aktualisht është e qetë dhe nuk ka pasur asnjë incident. Aktualisht tha Elezi po vijon shpërndarja e materialeve zgjedhore, ndërkohë që tregoi se KQZ ka mundësuar procesin e pastrimit të listave të votuesve me një mënyrë të re dhe se po ashtu në këto zgjedhje do të votojnë qytetarët e Kosovës që jetojnë jashtë saj dhe përmes postës pata që ndodhen në qendrat e paraburgimit në Hagë.
Intervista:
Sot heshtje zgjedhore në Kosovë. Si u karakterizua kjo fushatë z. Elezi dhe a është gjithçka gati për vendvotimet dhe vendnumërimet?
Elezi: Përgjithësisht edhe pse KQZ nuk ka ndonjë rol në mbarëvajtjen zgjedhore ajo që kemi vënë re përgjithësisht situata ka qenë e qetë dhe nuk ka pasur ndonjë incident. Fushata ka qenë në rregull dhe ajo që po ndodh tani është shpërndarja e materialeve në gjithë Kosovën dhe i njëjti do shpërndahet edhe nesër. Do të jenë 2.447 vendvotime.
Çfarë risie kanë pasur koalicionet dhe kandidatët? Pamë se për zgjedhjet e 17 tetorit kanë aplikuar edhe ish-krerët e Ushtrisë Çlirimtare të Kosovës.
Elezi: KQZ ka mundësuar votimin e qytetarëve që jetojnë jashtë dhe gjatë aplikimit kemi pranuar dhe aplikimet përmes postës për ata që ndodhen në qendrat e paraburgimit në Hagë. Përgjithësisht numri i votuesve nga jashtë vendit është 15.532 dhe në total i qytetarëve të Kosovës është 1.885.448 qytetarë.
Sa efikase ka qenë metoda e re e aplikuar nga KQZ për saktësimin dhe pastrimin e listës së votuesve.
Elezi: KQZ ka vazhduar procesin e pastrimit të listave dhe besoj tashmë është e saktë, por mund të ketë edhe persona të vdekur që janë në listë. Ne kemi marrë një bazë me të dhëna nga departamenti i pensioneve dhe në bazë të të dhënave është faktuar vdekja gjë të cilën e kemi konfirmuar edhe në terren.
1 milionë e 885 mijë qytetarë që do t’i drejtohen kutive, ndërkohë sa i përket masave antikovid si do procedohet duke përfshirë këtu edhe komisionerët dhe vëzhguesit.
Elezi: Qytetarëve nuk do tu kërkohet nëse janë të vaksinuar, masat kanë të bëjnë me distancën fizike, maska dhe natyrisht të bëjnë disefektimin e duarve në hyrje dhe dalje të vendvotimit. Ne kemi përcaktuar një zyrtar që stafi zgjedhor do të dëshmojë që është i vaksinuar apo të ketë test se nuk është i infektuar me Covid.
Çfarë u bë me materialin e vjetër zgjedhor?
Elezi: KQZ ka obligim të asgjësojë materialin zgjedhor. KQZ ka marrë vendim për asgjësimin e zgjedhjeve të 14 shkurtit. Janë 418 kuti që i përkasin zgjedhjeve që nuk do të shkatërrohen në mënyrë që ti shërbejnë prokurorisë.
Z. Elezi sa të regjistruar ka nga Diaspora? Si është mundësuar ajo dhe a ka pasur ardhje masive të shqipatërve të Kosovës që jetojnë në shtete të ndryshme.
Elezi: Në bazë të të dhënave ne kemi votues jashtë Kosove 17.532 votues jashtë Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
