Hajdutët e maskuar dhe të armatosur me sëpata dhe armët kanë rrëmbyer rreth 4 milionë euro stoli në një vjedhje në hotelin luksoz "Ritz Carlton" në qendër të Parisit.
Sipas BBC, kanë qenë pesë burra, që grabitën hotelin lusoz në kryeqytetin francez rreth 18:30 të orës lokale.
Grabitësit vodhën stoli duke shkatërruar dritaret e hotelit dhe duke vjedhur rreth 4 milionë euro mallra.
Policia franceze ka thënë se mallrat e vjedhura, që mendohet të ishin bizhuteritë, përbëjnë “një shumë të rëndësishme”.
Tre nga grabitësit u arrestuan, por policia ende është në kërkim të dy të tjerëve që arritën të iknin nga hoteli me pesë yje, me motor.
Disa të pranishëm u strehuan në bodrum ndërsa sulmuesit, të cilët mbanin maska të skive dhe rroba sportive, kryen grabitjen dramatike.
“Ndërsa grabitësit plaçkitën hotelin, turistët që pinin në bar u friksuan se ishte një sulm terrorist”, ka thënë një dëshmitar.
Por kur policia arrestoi dy të dyshuar në skenë, “shpejt u bë e qartë se ishte një grabitje”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
