Presidentja në detyrë e Kosovës, Vjosa Osmani, ka përfunduar takimet me të gjitha partitë politike të përfaqësuara në Kuvendin e Kosovës.
Në një komunikim zyrtar, u.d e presidentit Vjosa Osmani ka thënë se posa të pranohet aktgjykimi i plotë i Kushtetueses do të caktohet data e zgjedhjeve.
“Në takime është diskutuar për mbajtjen e zgjedhjeve të jashtëzakonshme. Pas përfundimit të takimeve dhe diskutimeve përmbajtësore me të gjitha subjektet politike u.d. Presidentja Osmani ka theksuar se sapo palët ta marrin Aktgjykimin e plotë të Gjykatës Kushtetuese, menjëherë do të caktohet data e mbajtjes së zgjedhjeve të jashtëzakonshme”.
Po ashtu bëhet e ditur se Osmani do të mbajë takime edhe me KQZ-në si dhe institucione të tjera relevante në mënyrë që organizimi i zgjedhjeve të bëhet sipas standardeve më të larta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
