Kanadezët reaguan me trishtim duke raportuar se presidenti i SHBA, Donald Trump, pyeti nëse Kanadaja dogji Shtëpinë e Bardhë gjatë një telefonate me kryeministrin e vendit, Justin Trudeau.
Forcat britanike i vunë zjarrin rezidencës presidenciale gjatë Luftës së 1812 me SHBA, por në atë kohë Kanadaja nuk ekzistonte, ajo përbëhej nga koloni britanike.
"A nuk keni djegur ju Shtëpinë e Bardhë?", ka thënë Trump gjatë një bisede telefonike me Trudeau mbi tarifat e reja të aluminit dhe çelikut të vendosura nga SHBA.
Nuk është e qartë nëse komenti ishte menduar si një shaka, por CNN raportoi se ai ndoqi një diskutim kritik në të cilin Trudeau pyeste se si SHBA mund të justifikonte tarifat si një çështje "sigurie kombëtare".
SHBA vendosi tarifa të reja mbi importet e çelikut dhe aluminit ndaj aleatëve të saj BE, Kanada dhe Meksikë javën e kaluar.
"Është thjesht qesharake të shohësh çdo tregti me Kanadanë si një kërcënim për sigurinë kombëtare për SHBA-në," tha Trudeau për këtë veprim.
Shtëpia e Bardhë u dogj nga forcat britanike në 1814 gjatë Luftës së 1812 me Shtetet e Bashkuara.
Arsyet për luftën përfshinë irritimin amerikan për detyrimin e marinarëve tregtarë amerikan për tu futur në Flotën Mbretërore, si dhe shtrëngimet tregtare në SHBA.
Një faktor tjetër ishte mbështetja britanike për amerikanët vendas, ndërsa ata luftuan kundër zgjerimit perëndimor të qeverisë amerikane.
Trupat britanike të udhëhequra nga gjenerali Robert Ross sulmuan dhe dogjën ndërtesa publike, duke përfshirë Kapitolin, Uashingtonin e Navy Yard dhe rezidencën e presidentit gjatë konfliktit.
Kjo ishte e vetmja kohë që një pushtet i huaj e pushtoi Uashingtonin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
