Eurodeputeti gjerman dhe përfaqësuesi për çështjet e zgjerimit në PPE, Michael Gahler-i i ka bërë thirrje Edi Ramës të ndalë shembjen e Teatrit Kombëtar dhe të angazhohet në dialog me palët.
Gahler thotë se Teatri Kombëtar është renditur si objekt kulturor europian i rrezikuar dhe se Rama duhet që të dialogojë me grupet e interesuara si “Europa Nostra” dhe Institutin e Bankës Europiane të Investimeve që mbështeten nga KE-ja.
Michael Gahler: “Shembje e godinës së Teatrit Kombëtar gjatë natës sot:
Unë e dënoj veprimin e autoriteteve dhe dhunën policore sot në Tiranë e i bëj thirrje kryeministrit Rama që të ndalë shembjen e paligjshme të Teatrit Kombëtar, të ndalojë dhunën ndaj artistëve e aktivistëve dhe të angazhohet në dialog me të gjithë grupet e interesuara përfshirë “Europa Nostra” dhe Insitutin e Bankës Evropiane të Investimeve, të cilat mbështeten nga Komisioni Evropian dhe janë të gatshme për të ndihmuar. Teatri Kombëtar është renditur si një sit kulturor europian i rrezikuar.
I bëj thirrje kryeministrit Rama që të dëgjojë apelin e Komisioneres së Kulturës Gabriel dhe të ndalojë dëmet e pariparueshme. Sjell në vëmendje të Qeverisë shqiptare 15 kushtet që duhet të plotësojë Shqipëria për të filluar negociatat. Shteti ligjor është parësor.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
