Një person i shpallur në kërkim, i dënuar me mbi 14 vjet burg për pesë akuza të ndryshme është vënë në prangat e Policisë Kufitare në portin e Durrësit.
Bazuar në informacionet e marra se një shtetas në kërkim do futej në portin e Durrësit me qëllim tërheqjen e një automjeti të dërguar nga jashtë shtetit nga të afërm të tij, u organizua operacioni policor i koduar “Five Charges”.
Si rezultat i forcimit të kontrolleve të ushtruara në hyrje - dalje në PKK Port Durrës, në kuadër të operacionit të koduar “Five Charges”, nga shërbimet e Stacionit te Policisë Kufitare Porti Durrës në bashkëpunim me Seksionin e Hetimit të Krimeve dhe Zbatimit të Masave Plotësuese për Kontrollin e Territorit, u kap dhe y arrestua me qëllim ekstradimi shtetasi Pllum Daci, 52 vjeç, banues ne Kamëz, Tiranë.
Arrestimi i tij u bë pasi ishte person i shpallur ne kërkim ndërkombëtar nga Interpol Roma/Itali më datë 24 korrik 2024.
Gjykata e Napolit/Itali e ka dënuar 52-vjeçarin me 14 vjet e 10 muaj burg (mbetur për të kryer 13 vjet e 9 muaj burg) për veprat penale “Tentativë vrasje”, “Grabitje”, “Kanosje”, “Vjedhje” dhe “Shfrytëzim prostitucioni”.
Interpol Tirana vijon bashkëpunimin me Interpol Romën, për ta ekstraduar në Itali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
