Partia në pushtet në Gjeorgji, Ëndrra Gjeorgjiane, fitoi 59.1% të votave në zgjedhjet parlamentare.
Shifrat u raportua nga Komisioni Qendror i Zgjedhjeve të Gjeorgjisë pasi kishte rinumëruar manualisht fletëvotimet e mbi 40% të qendrave të votimit.
Të dhënat e votimit elektronik i dhanë partisë pro-ruse 53% të votave, por votat e numëruara në mënyrë elektronike duhet të rinumërohen manualisht për të fituar vlerë ligjore.
Ëndrra Gjeorgjiane ka marrë më shumë se 364 mijë vota, raporton Komisioni pas rillogaritjes manuale të fletëve të votimit.
Këtë e përsëriti edhe sekretari ekzekutiv i partisë, Mamuka Mdinaradze, i cili saktësoi: “Siç dëshmohet nga rezultatet e bëra publike nga komisioni qendror zgjedhor, Ëndrra Gjeorgjiane ka siguruar një shumicë solide”.
Partitë e opozitës pro-perëndimore të Gjeorgjisë kanë hedhur poshtë rezultatet e zgjedhjeve që tregojnë fitoren e partisë në pushtet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
