8 marsi është një ditë që karakterizohet nga marshimet e grave për të kërkuar respektimin e të drejtave të tyre. Megjithatë, pavarësisht prapavijës historike, kjo ditë shërben edhe si një festë që vë në fokus gruan, nënën, burimin e jetës.
Drejtoria e Përgjithshme e Arkivave, solli në vëmëndje vendimin e vitit 1950 të Këshillit të Ministrave për krijimin e medaljes së “Nënës”.
Medalja e argjentë u akordohej nënave që kishin lindur dhe edukuar 6 fëmijë “kur fëmija i vogël ka mbushur moshën e 1 viti dhe të tjerët janë të gjallë ose kanë rënë dëshmorë në Luftën Nacionalçlirimtare”. Ndërsa, medalja e bronztë akordohej në të njëjtat kushte për nënat me 5 fëmijë.
Krahas kësaj medaljeje krijohej edhe Urdhri “Lavdi Nënës”, që vizualisht paraqiste një nënë me fëmijën e saj në krahun e majtë, ndërsa me dorën e djathtë mbante flamurin. Urdhri përshkallëzohej në klasin e I-rë, të II-të dhe të III-të, në varësi të numrit të fëmijëve, përkatësisht për nënat me 9, 8 dhe 7 fëmijë.
Bashkëngjitur, Arkivat kanë sjellë një foto nga ekskursioni në malin e Dajtit organizuar me rastin e 8 marsit nga Kryesia e Gruas Rajoni nr.3.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
