Siria ka vendosur të njohë zyrtarisht “pavarësinë dhe sovranitetin e Republikave Popullore të Luhanskut dhe Donetsk”, raportoi sot agjencia siriane e lajmeve SANA.
"Në një shprehje të vullnetit të përbashkët dhe dëshirës për të vendosur marrëdhënie në të gjithë sektorët, Republika Arabe Siriane ka vendosur të njohë pavarësinë dhe sovranitetin e Republikës Popullore të Luhanskut dhe Republikës Popullore të Donetskut”, raportoi SANA, duke cituar një burim zyrtar në ministrinë e jashtme të Sirisë.
“Do të vendoset komunikimi me të dy vendet për të rënë dakord për një kornizë për forcimin e marrëdhënieve midis vendeve tona, duke përfshirë fillimin e marrëdhënieve diplomatike bazuar në rregullat e vendosura (diplomatike),” shtoi burimi i Ministrisë së Jashtme, sipas SANA.
Kjo e bën Sirinë të vetmin vend tjetër përveç Rusisë, që ka njohur zyrtarisht pavarësinë e rajoneve separatiste.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
