Ndahet nga jeta konstitucionalisti i njohur shqiptar, Kristaq Traja. Lajmin e kanë dhënë miqtë e tij në rrjetet sociale për këtë ndarje. Traja u shua në moshën 66-vjeçare për shkak të një sëmundje të rëndë.
Ish-kryetari i Komisionit Qendror të Zgjedhjeve, Denar Biba ka ndarë me miqtë të tij lajmin e ndarjes nga jeta të juristit të njohur Kristaq Trajes, i cili ka qenë përfaqësuesi i Shqipërisë në Gjykatën e të Drejtave të Njeriut në Strasburg.
Kristaq Taja u diplomua në drejtësi në Universitetin e Tiranës në vitin 1978. Ai gëzonte një eksperiencë 10-vjeçare si Gjyqtar në Gjykatën Evropiane të të Drejtave të Njeriut, Strasburg për periudhën 1998-2008 dhe është një ndër akademikët më të njohur në Ballkan për të Drejtën Kushtetuese.
Karriera e tij si profesionist në fushën e ligjit ka filluar në vitin 1986. Ai ka qenë anëtar i Bordit të Kodifikimit në Ministrinë e Drejtësisë dhe Zëvendës Ministër i Drejtësisë gjatë viteve 1992-1993. Është autor i disa publikimeve dhe përkthimeve në fushën e ligjit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
