Kryebashkiaku i Divjakës Fredi Kokoneshi është dërguar në Spitalin Ushtarak për mjekim të specializuar. Korrespondentja e MCN TV raporton se gjendja e tij shëndetësore paraqitet e stabilizuar.
Ndërsa shoferi i tij Gazmir Bullari ndodhet ende në Spitalin e Lushnjës, dhe do të niset drejt kryeqytetit sapo gjendja e tij të stabilizohet. Kujtojmë që mëngjesin e sotëm mbetën të plagosur pas goditjeve me thikë kryebashkiaku Kokoneshi dhe shoferi i tij.
Autori i dyshuar është Orgest Xhelili, i cili ka qëlluar mbi 10 herë me thikë pa paralajmerim, Kokoneshin në shpatull dhe shoferin në pjesën e barkut. Mësohet se autori punonte prej katër vitesh si inxhinier IT në Bashkinë Divjakë dhe 7 muaj më parë është shkarkuar.
Ai është shkarkuar nga puna me pretendimin se nuk plotëson kushtet për të mbajtur atë vend pune. Ndërkaq, edhe bashkëshortja e cila punonte si shefe ambulance është hequr nga ai vend pune po nga kryetari bashkisë. Dyshohet se ngjarja lidhjet pikërisht me ndërprerjen e marrëdhënieve të punës nga kryetari i bashkisë. Plagosja ka ndodhur para syve të disa personave jashtë ambientit të institucionit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
